ക്രിസ്തുമസ് ആശംസകള്‍

                         ഏവര്‍ക്കും ക്രിസ്തുമസ് ആശംസകള്‍

ക്രിസ്തുമസ് ആഘോഷം

        തോമാപുരം സെന്റ് തോമസ് എല്‍ പി സ്കൂള്‍ മാനേജ്മെന്റിന്റെയും

പി.ടി.എ യുടെയും സംയുക്താഭിമുഖ്യത്തില്‍ ഈ വര്‍ഷത്തെ ക്രിസ്തുമസ്

ആഘോഷം സംഘടിപ്പിച്ചു.

 

സ്കൂള്‍ അസംബ്ലിയില്‍ മാനേജര്‍ റവ ഫാ. അഗസ്റ്റ്യന്‍

പാണ്ട്യാമാക്കല്‍ കുട്ടികള്‍ക്ക് ക്രിസ്തുമസ് സന്ദേശം നല്‍കി.

പി ടി എ പ്രസിഡന്റ് ശ്രീ ജോസ് കുത്തിയതോട്ടില്‍

ആഘോഷപരിപാടികള്‍ ഉദ്ഘാടനം ചെയ്തു.

 

എം പി ടി എ പ്രസിഡന്റ് ശ്രീമതി ഷൈനി ഷാജി,

H S S പി ടി എ പ്രസിഡന്റ് അഡ്വ.ജോസഫ് മുത്തോലി 

എന്നിവര്‍ ആശംസകള്‍ നേര്‍ന്ന് സംസാരിച്ചു.

ക്രിസ്തുമസ് ആഘോഷപരിപാടികളുടെ ഭാഗമായി നല്ലപാഠം 

ക്ലബിന്റെ ആഭിമുഖ്യത്തില്‍ കാരുണ്യനിധി ഫണ്ട്

സമാഹരണത്തിനായി ക്രിസ്തുമസ് ട്രീ ഒരുക്കി. 

 

അതിന്റെ ബമ്പര്‍ സമ്മാനം നേടിയ അലന്‍ ജോണിന്

സ്കൂള്‍ മാനേജര്‍ സമ്മാനം വിതരണം ചെയ്തു. തുടര്‍ന്ന് കുട്ടികള്‍

കരോള്‍ ഗാനങ്ങള്‍ ആലപിച്ചു. ക്രിസ്തുമസ് കേക്ക് മുറിക്കലിനു ശേഷം

ചെണ്ട മേളത്തിന്റെ അകമ്പടിയോടെ ക്രിസ്തുമസ് കരോള്‍ ആരംഭിച്ചു.

പുല്‍ക്കുടും, സാന്താക്ലോസും, കരോള്‍ ഗാനങ്ങളും എല്ലാം കുട്ടികളുടെ

മനസില്‍ ക്രിസ്തുമസിന്റെ സന്തോഷം നിറച്ചു.

 

ആഘോഷ ഡിസംമ്പര്‍

തോമാപുരം സെന്റ് തോമസ് L P സ്കൂള്‍ നല്ലപാഠം
ക്ലബിന്റെ ആഭിമുഖ്യത്തില്‍ ആഘോഷ ഡിസംബര്‍
പരിപാടിയ്ക്ക് തുടക്കമായി.

  ആഘോഷ ഡിസംബര്‍ പരിപാടിയുടെ ഭാഗമായി നല്ലപാഠം
 ക്ലബ് അംഗങ്ങളും അധ്യാപകരും ചേര്‍ന്ന് ചിറ്റാരിക്കാല്‍
ജ്യോതിഭവന്‍ സ്പെഷ്യല്‍ സ്കൂള്‍ സന്ദര്‍ശിച്ചു. സ്കൂളിന്  സാമ്പത്തിക
സഹായവും മധുരപലഹാരവും കൈമാറി. കേക്ക് മുറിച്ചു. നല്ലപാഠം
ക്ലബ് അംഗങ്ങളും  സ്പെഷ്യല്‍ സ്കൂള്‍ കുട്ടികളും കലാപരിപാടികള്‍
അവതരിപ്പിച്ചു.

പ്രധാനധ്യാപകന്‍ ശ്രീ ജോസഫ് കെ എ ,
അധ്യാപകരായ ശ്രീമതി ബെറ്റ്സി ജോസഫ്,ശ്രീമതി ത്രേസ്യാമ്മ
ജോസഫ്, പി ടി എ പ്രസിഡന്റ് ശ്രീ ജോസ് കുത്തിയതോട്ടില്‍
നല്ലപാഠം കോഡിനേറ്റര്‍മാര്‍, ക്ലബ് അംഗങ്ങള്‍ റിറ്റിന്‍, അലന്‍,
ജോസ്, നന്ദന,കെസിയ ശീതള്‍ ദേവതീര്‍ത്ഥ എന്നിവര്‍
പരിപാടികള്‍ക്ക് നേതൃത്വം നല്‍കി.

ദേശീയ ഊര്‍ജ്ജസംരക്ഷണദിനം

ദേശീയ ഊര്‍ജ്ജസംരക്ഷണദിനാചരണത്തിന്റെ
ഭാഗമായി, തോമാപുരം സെന്റ് തോമസ് L P
സയന്‍സ്  ക്ലബിന്റെ ആഭിമുഖ്യത്തില്‍
വിവിധ പരിപാടികള്‍ സംഘടിപ്പിച്ചു.
രാവിലെ 11 മണിയ്ക്ക് സ്കൂള്‍ അസംബ്ലിയില്‍
ശ്രീമതി ബെറ്റ്സി ജോസഫ്   ഊര്‍ജ്ജസംരക്ഷണദിന
സന്ദേശം നല്‍കി. തുടര്‍ന്ന്  ഊര്‍ജ്ജസംരക്ഷണ പ്രതിജ്ഞ
ചൊല്ലി.

കുട്ടികള്‍ക്കായി സ്കൂള്‍തലത്തില്‍ ഊര്‍ജസംരക്ഷണ-

വാക്യരചന-പോസ്റ്റര്‍ രചന മത്സരം നടത്തി.  

വിജയികള്‍ക്ക് സമ്മാനങ്ങള്‍ വിതരണം ചെയ്തു. 

 ചിറ്റാരിക്കാല്‍ ഡെവലപ്മെന്റ് അഥോറിറ്റി 

 (C D A) ചെയര്‍മാന്‍ ശ്രീ ജോസ് ടി എസ് 

 ഊര്‍ജസംരക്ഷണ മാര്‍ഗങ്ങള്‍ എന്ന വിഷയത്തില്‍ 
കുട്ടികള്‍ക്കായി ഒരു ബോധവല്‍ക്കരണ ക്ലാസെടുത്തു.

ഹരിതകേരളമിഷന്‍

ഹരിതകേരളം പ്രവര്‍ത്തനങ്ങള്‍ക്ക് തോമാപുരം സെന്റ്
തോമസ് എല്‍ പി സ്കൂളില്‍ തുടക്കമായി.

   സംസ്ഥാന സര്‍ക്കാര്‍ കേരളത്തിലെ സ്കൂളുകളില്‍ നടപ്പിലാക്കുന്ന

 ഹരിതകേരളം പദ്ധതിയുടെ ഭാഗമായി തോമാപുരം സെന്റ് തോമസ് 

എല്‍ പി സ്കൂളില്‍ വിവിധ പരിപാടികള്‍ സംഘടിപ്പിച്ചു.
ഈസ്റ്റ് എളേരി പഞ്ചായത്ത് സംഘടിപ്പിച്ച ഹരിതകേരള മിഷന്‍
വിളംബര ജാഥയില്‍ ഹെഡ്മാസ്റ്റരുടെ  നേതൃത്വത്തില്‍ നാലാം
ക്ലാസിലെ കുട്ടികളും അധ്യാപകരും പങ്കെടുത്തുകൊണ്ട്
പ്രവര്‍ത്തനങ്ങള്‍ക്ക് തുടക്കം കുറിച്ചു.

പദ്ധതി ലക്ഷ്യങ്ങളെക്കുറിച്ചും, അതിന്റെ പ്രാധാന്യത്തെക്കുറിച്ചും
സ്കൂള്‍ അസംബ്ലിയില്‍ ഹെഡ്മാസ്റ്റര്‍ ശ്രീ ജോസഫ് കെ എ
സംസാരിച്ചു.

തുടര്‍ന്ന് ശ്രീമതി ബെറ്റ്സി ജോസഫ് ഹരിതകേരളം
പ്രതിജ്ഞചൊല്ലിക്കൊടുത്തു.

കബ് ബുള്‍-ബുള്‍ യൂണിറ്റുകളുടെ നേതൃത്വത്തില്‍
എല്ലാകുട്ടികളും ചേര്‍ന്ന്  സ്കൂളും പരിസരവും വൃത്തിയാക്കി,
പ്ലാസ്റ്റിക് മാലിന്യങ്ങള്‍ ശേഖരിച്ച് പ്രത്യേകം സൂക്ഷിച്ചു.

കുട്ടികളുടെ വീടുകളിലെ പ്ലാസ്റ്റിക് മാലിന്യങ്ങള്‍ സംഭരിച്ച്,
ഈസ്റ്റ് എളേരി പഞ്ചായത്ത് അധികൃതരുടെ നേതൃത്വത്തില്‍
പ്രവര്‍ത്തിക്കുന്ന സംഭരണയൂണിറ്റിന് കൈമാറി.
   സ്കൂളിന് സമീപത്തുകൂടി ഒഴുകുന്ന നീരരുവിയിലെ
മാലിന്യങ്ങള്‍ നീക്കം ചെയ്ത് ജലസ്രോതസ് ശുദ്ധീകരിക്കുന്ന
പ്രവര്‍ത്തനങ്ങളിലും കുട്ടികള്‍ പങ്കാളികളായി.

 ഈ ആചരണത്തിന്റെ പ്രാധാന്യം ഉറപ്പിക്കാനായി
കുട്ടികള്‍ക്ക് സ്കൂള്‍തലത്തില്‍  വിവിധമത്സരങ്ങള്‍
സംഘടിപ്പിച്ചു.
ഹരിതകേരളം ക്വിസ്, പരിസ്ഥിതി വിഷയമായിവരുന്ന
ചിത്രരചന മത്സരം എന്നിവ നടത്തി.

രക്ഷിതാക്കളുടെ സഹകരണത്തോടെ, വൃക്ഷതൈ നടീലിന്റെ
ഭാഗമായി സ്കൂള്‍ മുറ്റത്ത് മൂന്ന് മാവിന്‍തൈകളും നട്ടു.

ഇത് ഞങ്ങളുടെ ദിനം

   ലോക ഭിന്നശേഷി ദിനാചരണത്തിന്റെ ഭാഗമായി
സ്കൂള്‍ അസംബ്ലിയും കുട്ടികളുടെ കലാപരിപാടികളും
സംഘടിപ്പിച്ചു. ശാരീരിക ന്യൂനതകളവഗണിച്ച് മറ്റുള്ളവരെക്കാള്‍
ഒരുപടി മുന്‍പിലാണ് തങ്ങളെന്ന് തെളിയിച്ചു അവര്‍.
അസംബ്ലിയില്‍ ശ്രീമതി ജെസി ജോര്‍ജ് ദിനത്തിന്റെ
പ്രാധാന്യത്തെക്കുറിച്ച് സംസാരിച്ചു. തുടര്‍ന്ന് കുട്ടികളവതരിപ്പിച്ച
കലാപരിപാടികള്‍ മികച്ച നിലവാരം പുലര്‍ത്തി.

ലോക എയ്ഡ്സ് ദിനം

ലോക എയ്ഡ്സ് ദിനാചരണത്തിന്റെ ഭാഗമായി
സ്കൂള്‍ അസംബ്ലിയില്‍ എയ്ഡ്സ് ബോധവല്‍ക്കരണ
സന്ദേശവും, എയ്ഡ്സ് ദിന പ്രതിജ്ഞയും സംഘടിപ്പിച്ചു.
ഹെഡ്മാസ്റ്റര്‍ ദിന സന്ദേശം നല്‍കി, ശ്രീമതി ആനിയമ്മ
സിറിയക്ക് കുട്ടികള്‍ക്ക് പ്രതിജ്ഞ ചൊല്ലിക്കൊടുത്തു.

WINNER'S DAY

മികവിന് അംഗീകാരം

തോമാപുരം സെന്റ് തോമസ് എല്‍പി സ്കൂളില്‍ 

വിവിധമേളകളില്‍ വിജയികളായവരെ

മാനേജ്മെന്റിന്റെയും, പി ടി എ യുടെയും 

സംയുക്താഭിമുഖ്യത്തില്‍ അനുമോദിച്ചു.

ഈ വര്‍ഷത്തെ ചിറ്റാരിക്കാല്‍ ഉപജില്ല 

കായികമേള, കലാമേള, ഗണിത ശാസ്ത്ര മേള

എന്നിവയില്‍ ഒന്നാം സ്ഥാനവും, ഡി സി എല്‍ 

മേഖലാ മത്സരത്തില്‍ രണ്ടാം സ്ഥാനവും

നേടിയ കുട്ടികളെ അഭിനന്ദിക്കാനായി സംഘടിപ്പിച്ച 

യോഗം ഈസ്റ്റ് എളേരി പഞ്ചായത്ത്

വിദ്യാഭ്യാസകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ 

ശ്രീമതി ലിന്‍സിക്കുട്ടി സെബാസ്റ്റ്യന്‍

ഉദ്ഘാടനം ചെയ്തു.

സ്കൂള്‍ മാനേജര്‍ റവ ഫാ അഗസ്റ്റ്യന്‍ 

പാണ്ട്യാമ്മാക്കല്‍ അധ്യക്ഷത
വഹിച്ച യോഗത്തില്‍ ഹെഡ്മാസ്റ്റര്‍ ശ്രീ ജോസഫ് കെ എ 

സ്വാഗതവും ശ്രീമതി ബെറ്റ്സി ജോസഫ് നന്ദിയും പറഞ്ഞു.

പി ടി എ പ്രസിഡന്റ് ശ്രീ ജോസ് കുത്തിയതോട്ടില്‍, 

എം പി ടി എ പ്രസിഡന്റ്ശ്രീമതി ഷൈനി ഷാജി എന്നിവര്‍ 

ആശംസകള്‍ നേര്‍ന്നു സംസാരിച്ചു

ക്ലാസ് പി ടി എ മീറ്റിംഗും അമ്മമാര്‍ക്കുള്ള തൊഴില്‍ പരിശീലനക്ലാസും

  രണ്ടാം ടേം മൂല്യനിര്‍ണ്ണയത്തിനുള്ള സമയമായി. അതിനുള്ള
ഒരുക്കങ്ങളുടെ ഭാഗമായി എല്ലാ ക്ലാസുകളിലും C P T A മീറ്റിംഗുകള്‍.
ഉച്ചയ്ക്ക് 1. 45 ആരംഭിച്ച മീറ്റിംഗുകളില്‍ എല്ലാ ക്ലാസുകളിലും തന്നെ
ഭൂരിഭാഗം അമ്മമാരും വന്ന് ചേര്‍ന്നു. കുട്ടികളുടെ പഠനപുരോഗതിയും,
പഠനപ്രവര്‍ത്തനങ്ങളും ചര്‍ച്ചചെയ്തു. പിന്നോക്കക്കാരുടെ നിലവാരവും,
പ്രശ്നങ്ങളും വിലയിരുത്തി.

 ഈ വര്‍ഷം L S S സ്കോളര്‍ഷ്പിപ്പ് പരീക്ഷയ്ക്ക് ഒരുങ്ങുന്ന കുട്ടികളുടെ
രക്ഷിതാക്കളുടെ ഒരു പ്രത്യേകയോഗം 1 30 ന് ചേര്‍ന്നു. ഹെഡ്മാസ്റ്റര്‍
ശ്രീ ജോസഫ് കെ എ രക്ഷിതാക്കളുമായി സംസാരിച്ച് വേണ്ട നിര്‍ദേശങ്ങള്‍
നല്‍കി.  ഈ കുട്ടികള്‍ക്ക് എല്ലാ ദിവസവും L S S  പരീക്ഷാപരിശീലന
ക്ലാസുകള്‍ നാലാം ക്ലാസിലെ അധ്യാപകര്‍ നല്‍കിവരുന്നതായി അറിയിച്ചു.

നല്ലപാഠം ക്ലബിന്റെ ആഭിമുഖ്യത്തില്‍ അമ്മമാര്‍ക്കായി  ഒരു തൊഴില്‍ പരിശീലന ക്ലാസ് സംഘടിപ്പിച്ചു.  ഹെഡ്മാസ്റ്റര്‍ ശ്രീ ജോസഫ് കെ എ യുടെ അധ്യക്ഷതയില്‍ ചേര്‍ന്ന മീറ്റിംഗ് 
പി ടി എ പ്രസിഡന്റ് ശ്രീ ജോസ് കുത്തിയതോട്ടില്‍  ഉദ്ഘാടനം ചെയ്തു.

 തലശേരി സോഷ്യല്‍ സര്‍വീസ് സൊസൈറ്റി പ്രോഗ്രാം ഓഫീസര്‍ ശ്രീമതി വല്‍സമ്മ നിരപ്പേല്‍ അമ്മമാര്‍ക്കുള്ള  ക്ലാസ് നയിച്ചു.

 ശ്രീമതി ജിസി ജോയി അമ്മമാര്‍ക്കായി സോപ്പുപൊടി, ഡിഷ് വാഷ് എന്നിവ ഉണ്ടാക്കുന്ന വിധം 
പരിചയപ്പെടുത്തി.  

നിര്‍മ്മിച്ച സോപ്പുപൊടിയും, ലിക്വിഡും നല്ലപാഠത്തിന്റെ പേരിലുള്ള പ്രത്യേക പായ്ക്കറ്റുകളിലാക്കി വില്‍പ്പനയും നടത്തി.

 M P T A പ്രസിഡന്റ് ശ്രീമതി ഷൈനി ഷാജി ചടങ്ങിനു നന്ദി പറഞ്ഞു.

അഹ്ലാദപ്രകടനം

    ചിറ്റാരിക്കാല്‍ ഉപജില്ല സ്കൂള്‍ കലോത്സവത്തില്‍
ഓവറോള്‍ ചാമ്പ്യന്മാരായ തോമാപുരം സെന്റ് തോമസ്
എല്‍ പി സ്കൂള്‍ കുട്ടികളെ മാനേജ്മെന്റിന്റെയും, പി.ടി.എ
യുടെയും സംയുക്താഭിമുഖ്യത്തില്‍ ചിറ്റാരിക്കാല്‍
ടൗണിലൂടെ ആനയിച്ചപ്പോള്‍

ടീമംഗങ്ങള്‍ ഹെഡ്മാസ്റ്റര്‍ക്കും അധ്യാപകര്‍ക്കും ഒപ്പം

അഭിമാനത്തോടെ

ചിറ്റാരിക്കാല്‍ ഉപജില്ല സ്കൂള്‍ കലോത്സവം
L P വിഭാഗം ഓവറോള്‍ കിരീടം തോമാപുരം
സെന്റ് തോമസ് എല്‍ പി സ്കൂളിന്. പങ്കെടുത്ത
11 ഇനങ്ങളിലും A grade നേടി 55 ല്‍
55 പോയിന്റുകളും 11 സമ്മാനങ്ങളും നേടിയെടുത്താണ്
തോമാപുരം ഈ വിജയം കരസ്ഥമാക്കിയത്.

മൂന്ന് ഒന്നാം സ്ഥാനവും ഒരു രണ്ടാം സ്ഥാനവും നേടി
കെസിയ രാഗേഷ് മേളയുടെ താരമായി.( കവിത Ist,
ശാസ്ത്രീയ സംഗീതം I st, ദേശഭക്തി ഗാനം Ist,
ലളിതഗാനം 2nd.)

കെസിയ രാഗേഷ്

ഇന്നത്തെ മത്സരയിനങ്ങള്‍
കവിത ഒന്നാം സ്ഥാനം കെസിയ രാഗേഷ്
മാപ്പിളപ്പാട്ട് രണ്ടാസ്ഥാനം അനീറ്റ ജോര്‍ജ്
മോണോ ആക്ട് ഒന്നാം സ്ഥാനം ദേവതീര്‍ത്ഥ വിനോദ്
നാടോടിനൃത്തം രണ്ടാം സ്ഥാനം അഭിന്‍ ലോറന്‍സ്

കലോത്സവം രണ്ടാം ദിവസം

  ഇന്ന് പങ്കെടുത്ത രണ്ട്  ഇനങ്ങളിലും വിജയം നേടി
തോമാപുരം.

 ശാസ്ത്രീയ സംഗീതത്തില്‍ ഒന്നാം സ്ഥാനം നേടി കെസിയ രാഗേഷ്
 ഭരതനാട്യത്തില്‍ രണ്ടാം സ്ഥാനം നേടി വിനീഷ ബാബു.

ചിറ്റാരിക്കാല്‍ ഉപജില്ല സ്കൂള്‍ കലോത്സവം

  ചിറ്റാരിക്കാല്‍ ഉപജില്ല സ്കൂള്‍ കലോത്സവം തോമാപുരം H S S ല്‍
ആരംഭിച്ചു.  ഒന്നാം ദിവസം തോമാപുരം സെന്റ് തോമസ് എല്‍
പി സ്കൂള്‍ സ്വന്തമാക്കിയ നേട്ടങ്ങള്‍.
ദേശഭക്തിഗാനം ഒന്നാം സ്ഥാനം

പ്രസംഗം ഒന്നാം സ്ഥാനം  - കൃഷ്ണപ്രിയ പ്രസാദ്
ലളിതഗാനം  രണ്ടാം സ്ഥാനം - കെസിയ രാഗേഷ്
ചിത്രംവര പെന്‍സില്‍ രണ്ടാം സ്ഥാനം - വിനീഷ ബാബു

ശിശുദിനം

  നവംബര്‍ 14   ഇന്ത്യയുടെ ആദ്യ പ്രധാനമന്ത്രി ജവഹര്‍ലാല്‍ നെഹ്റുവിന്റെ ജന്മദിനം.

                 വീണ്ടും ഒരു ശിശുദിനം
    തോമാപുരം സെന്റ് തോമസ് എല്‍ പി സ്കൂളിന്റെയും, പ്രീ-പ്രൈമറി
സ്കൂളിന്റെയും സംയുക്താഭിമുഖ്യത്തില്‍  വിപുലമായ പരിപാടികളോടെ
ശിശുദിനം ആഘോഷിച്ചു.

  അസംബ്ലിയില്‍ ഹെഡ്മാസ്റ്റര്‍ ശിശുദിന സന്ദേശം നല്‍കി.

തുടര്‍ന്ന്  പി.ടി. എ യുടെ സഹകരണത്തോടെ ചിറ്റാരിക്കാല്‍
ടൗണിലൂടെ ശിശുദിന റാലി നടത്തി.

റാലിയ്ക്ക് ശേഷം കൊച്ചു ചാച്ചാജി അലന്‍ ജോണിന്റെ അധ്യക്ഷതയില്‍
ചേര്‍ന്ന പൊതുമീറ്റിംഗ് P T A  പ്രസിഡന്റ് ശ്രീ ജോസ്
കുത്തിയതോട്ടില്‍ ഉദ്ഘാടനം ചെയ്തു.

 നെഹ്റുവിന്റെ ജീവചരിത്രം Slide show ചാച്ചാജിയെക്കുറിച്ച് കൂടുതല്‍ അറിവ്
കുട്ടികള്‍ക്ക് നല്‍കി.

ദേശഭക്തി ഗാനാലാപനം

കുട്ടികളുടെ വിവിധ കലാപരിപാടികള്‍ക്ക് ശേഷം പായസവിതരണത്തോടെ
ശിശുദിനാഘോഷപരിപാടികള്‍ക്ക് തിരശീല വീണു.

ദേശീയ വിദ്യാഭ്യാസദിനം

സ്വതന്ത്ര ഇന്ത്യയുടെ ആദ്യത്തെ വിദ്യാഭ്യാസ മന്ത്രി
മൗലാന അബ്ദുള്‍ കലാം ആസാദിന്റെ ജന്മദിനത്തില്‍,
സ്കൂള്‍ അസംബ്ലിയില്‍ ഹെഡ്മാസ്റ്റര്‍ വിദ്യാഭ്യാസദിന
സന്ദേശം നല്‍കുന്നു.

ഒരുവട്ടം കൂടി

 പാലാവയല്‍ സെന്റ് ജോണ്‍സ് ഹൈസ്കൂളില്‍ നടന്ന
ചിറ്റാരിക്കാല്‍ ഉപജില്ല കായികമേളയില്‍ തോമാപുരം
സെന്റ് തോമസ് എല്‍ പി സ്കൂളിന് വീണ്ടും ഓവറോള്‍
ചാമ്പ്യന്‍ഷിപ്പ്.60 പോയിന്റ്കളോടെ ഉജ്വലവിജയം നേടിയ
കുട്ടികള്‍ക്കും അവരെ പരിശീലിപ്പിച്ച ബെറ്റ്സി ടീച്ചറിനും,
ജെസി ടീച്ചറിനും,ജ്യോതി ടീച്ചറിനും അഭിനന്ദനങ്ങള്‍....

വ്യക്തിഗത ചാമ്പ്യന്മാര്‍

ഗോഡ്വിന്‍ ജെയിംസ്

അലക്സ് ജെയിംസ്

അല്‍ഫോന്‍സ ജോസഫ്

നവംമ്പര്‍ 1 കേരളപ്പിറവി ദിനം

നമ്മുടെ സംസ്ഥാനം രൂപീകൃതമായിട്ട് 60 വര്‍ഷങ്ങള്‍
ഇന്നത്തെ പ്രവര്‍ത്തനങ്ങള്‍
സ്കൂള്‍ അസംബ്ലിയില്‍ ഹെഡ്മാസ്റ്റര്‍ ദിനത്തിന്റെ
പ്രാധ്യാന്യത്തെക്കുറിച്ച് സംസാരിച്ചു.തുടര്‍ന്ന് രണ്ടാം
ക്ലാസിലെ കുട്ടികളുടെ സ്കിറ്റ് അവതരണം നടന്നു.

കേരളത്തിലെ ജില്ലകളെക്കുറിച്ച്  കുട്ടികള്‍ക്ക് മനസിലാക്കാന്‍
സഹായിക്കുന്ന ഈ സ്കിറ്റ് അവതരണത്തിന് ശ്രീമതി ത്രേസ്യാമ്മ
ജോസഫ്, ശ്രീമതി മേഴ്സി തോമസ് ​എന്നിവര്‍ നേതൃത്വം നല്‍കി.

സ്കൂള്‍തലത്തില്‍ കേരള ക്വിസ് മത്സരം നടത്തി,വിജയികള്‍ക്ക്
സമ്മാനം നല്‍കി.